Gizarte Segurantzako afiliazioak beste mugarri bat ezarri du Hego Euskal Herrian: 1.042.680 afiliatu, EAEn; eta 322.358, Nafarroan
Bestalde, langabeziak apur bat behera egin du EAEn eta Nafarroan, apirilarekin eta iazko maiatzarekin alderatuta. Nafarroaren kasuan, 2008tik maiatzean izandako daturik onena da.
Gizarte Segurantzako afiliazioak mugarria ezarri du maiatzean Hego Euskal Herrian, Espainiako Gizarte Segurantza, Inklusio eta Migrazio Ministerioak astearte honetan zabaldutako datuen arabera. Euskal Autonomia Erkidegoan (EAE) 1.042.680 pertsona zeuden maiatzean Gizarte Segurantzan izena emanda, eta 322.358, Nafarroan.
Azken hilabetean 6.813 afiliatu (% 0,66) irabazi ditu lan merkatuak EAEn, eta 3.576 (% 1,12), Nafarroan.
Iazko maiatzetik aurtengo maiatzerako tartea aintzat hartuta, afiliazioa % 1,31 igo da EAEn (13.531 pertsona) eta % 1,97, Nafarroan (6.222 pertsona).
EAEri dagokionez, hiru lurraldeetan egin du gora landunen kopuruak. Araban egin du gehien gora (% 1,22), Bizkaiaren (% 0,62) eta Gipuzkoaren (% 0,44) aurretik.
Gizarte Segurantzako afiliatu-kopuruak marka historikoa ezarri du Espainiako Estatuan ere, eta lehen aldiz, 22,3 milioien langa gainditu du.
Maiatzean 72 langabe gutxiago zenbatu dituzte EAEn, eta 618 gutxiago, Nafarroan
Espainiako Lan eta Gizarte Segurantza Ministerioak eta Eusko Jaurlaritzak gaur zabaldutako datuen arabera, apirilean baino 72 langabe gutxiago (% 0,07) zenbatu dituzte Euskal Autonomia Erkidegoan maiatzean, eta guztira 103.733 langabe daude Lanbide Euskal Enplegu Zerbitzu Publikoan izena emanda. Nafarroan ere behera egin du langabeziak. Guztira, 28.285 lagun daude lanik gabe Nafarroan, aurreko hilabetean baino 618 gutxiago (% 2,14).
Maiatzeko iazko datuarekin alderatuta, 926 langabe gutxiago daude EAEn (% 0,88), eta 674 gutxiago, Nafarroan (% 2,33).
Araban 170 langabe gutxiago erregistratu dituzte maiatzean (% 0,96) eta iazko hilabete berarekin alderatuta 607 pertsona gutxiago daude lanik gabe (% 3,34).
Bizkaian eta Gipuzkoan, berriz, langabeziak gora egin du azken hilabetean. Bizkaian 50 gehiago dira (% 0,09) eta Gipuzkoan, 48 gehiago (% 0,18). Iazko maiatzarekin alderatuta, berriz, bi lurraldeetan egin du behera langabeziak: % 0,06 (34 pertsona) eta % 1,03 (285 pertsona), hurrenez hurren.
Espainiako Estatuan, guztira, apirilean baino 36.323 langabe gutxiago daude. Guztira, 2.320.721 langabe daude, 2007tik hilabete horretan inoiz izandako kopururik txikiena.
Eusko Jaurlaritzak enpleguak eboluzio positiboa duela nabarmendu du
Maiatzean enpleguak egonkortasun eta hazkunde ibilbideari eutsi diola azpimarratu du Eusko Jaurlaritzak, "enplegu politika aktiboak eraginkorrak diren eta ehun ekonomikoa sendo dagoen adierazgarri".
Arantza Martinez Eusko Jaurlaritzako Enplegu zuzendariak azaldu duenez, Euskadiko langabeziak azken hilabeteotan izan duen bilakaera positiboa sendotu du maiatzean, eta jaisten jarraitzen du, bai hileko bai urtarteko datuei dagokienez.
Zure interesekoa izan daiteke
Mahai Sektoriala uzteko mehatxua egin du UGTk Osakidetzak medikuei "tratu pribilegiatua" ematen dien "ezkutuko estatutua" bultzatzen badu
UGT izan da astelehen honetan aurkeztuko den proposamenari erantzun dion lehen sindikatua, nahiz eta aurreko batzuetan Osakidetzan ordezkaritza duten beste erakunde batzuek ere kritikatu izan duten medikuei ematen zaien "mesede-tratua".
Guardien eta soldaten sisteman hobekuntzak jasotzen dituen akordio-proposamena aurkeztuko du Osakidetzak astelehenean
Euskadiko Medikuen Sindikatuak positibotzat jo du proposamena, baina irailerako aurreikusitako greba mugagabearen deialdiari eutsi dio, Osasun Ministerioarekin ez baitago adostasunik Estatutu Marko propioaren inguruan.
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.